هادا واحد الدري جرى عليه الأستاد ديال لانفورماتيك
مللي مشى عند الحارس العام، قال ليه: مالك أولدي؟
قال ليه التلميد: جرى عليا مول السيبير
....................................................................................................................................................
واحد الراجل سول مرتو : شحال هاذي باش تزوجنا ؟؟ ... جاوباتو المرة 25 عام ...
قاليها :
كون قتلتك كون خرجت دابا من الحبس
...................................................................................................................................................
واحد راجل بغا يتزوج ناض دا وحدا متدينه مقابله غي الدين ..وحد نهار دخل لدار جعان قالها وا لمرا كاين شي غدا حطاتلو البيض مسلوق قالها و الكوكوط علاش شريتها باش ديرينا لمرقا .قاتلو لا الكوكوط كتصفر و التصفار في الاسلام حرام ..قلها ايوا نودي سيري لداركم حتى يخرجو شي كوكوط كتوذن عاد اجي
.....................................................................................................................................................
هاذا واحد المصري قالت ليه مراتو:
شايف القمر يا حبيبي؟
قال ليها: إنتي أحلى منو
وهذا واحد المغربي قالت ليه مراتو:
شفتي القمر ألعمــــــــر ؟
قاليها :شفتو أ زمر ، مالي عور ؟ !!
.....................................................................................................................................................
واحدا قالت لراجلها نصوب لك مصمن ولا بعرير.. قال ليها صوبي فمك هوا الاول
.................................................................................................................................................
مراة تتفرج هي وراجلها في مسلسل ميكسيكي مترجم بالعربية وفي لحظة رومانسية .... ... ... ..... .الراجل شاف فمرتو وقالها : قلبي ، .... ... .... ... ... ... ... .......... ابتسمت وجاوباتو : نعم يا مومّو قلبي. .... فقال لها : قلبي الجزيرة ولا نقلب لوالديك وجهك
....................................................................................................................................................
واحد الطبيب مشا عندو واحد مهرس من رجلو طاح من شجرة هو يخرج ليه قويلبات.. مشا للفارماسيان شرا القويلبات و سول مولات الفارماسيان لاش كايصلح هاد الدواء؟ قالت ليه ديال الدود !! هو يرجع عند داك الطبيب هو يقول ليه : ماش حشومة عليك أ دكتور أنا مهرس من رجلي و نتا مخرج ليا دواء ديال الدود؟ هو يقول ليه : كون ماكانش فيك الدود ڭاعما تطلع للشجرة وتطيح تهرس ..
.................................................................................................................................................
قالك واحد سمع الغوات في دار جارو...
بغا يعرف آش واقع صيفط ولدو يسقسي
مشى ولدو سمع بلي بنت الجار هربت مع صاحبها حشم يقول لباه
قالو البيسيكلات متاع جارنا سرقوها
. مشالهم الأب قاللهم ولله تهنيتو منها نهار كامل و هي من واحد لواحد
...............................................................................................................................................
هدا واحد سول فقيه; قاليه: واش نقدر نصلي مورا التلفازة و تحسب ليا صلاة الجماعة
هو يقوليه لفقيه: عندكم الثلاجة; قاليه :اه ;هو يقوليه:
. لوح عليها شي زيف كحل و حج نتا كاع تما